Qaraciyər müalicəsi
Qaraciyər müalicəsi
Müalicə tələb etməyən xoşxassəli törəmələr
- • Hemangioma
- • Fokal nodulyar hiperplaziya
- • Sadə kistlər
- • Yerli yağlanma
- • Lipoma
- • Angiolipoma
- • Kalsifikasiya
Müalicə tələb edən xoşxassəli törəmələr
- • Hepatik adenoma və ya adenomatoz
- • Biliar sistadenoma
- • Abses
- • Exinokok kisti
- • İltihabi psevdotumor
- • Qranulomatoz iltihab
Bəd xassəli – mümkünsə müalicə lazım gələnlər
- • Hepatosellular karsinoma
- • Xolangiosellular karsinoma
- • Metastatik törəmələr
- • Biliar sistoadenokarsinoma
- • Angiosarkoma
- • Limfoma
Sirrozun tam müalicəsi mümkün olmasa da onu erkən mərhələdə aşkarlayaraq dərinləşməsinin qarşısını almaq mümkündür. Xəstəliyin ilkin mərhələlərdə müəyyən edilməsi onun müalicəsində daha qənaətbəxş nəticələr əldə edilir. Müalicə zamanı əsas məqsəd sirrozun yaranmasına səbəb olan faktor və ya faktorların aradan qaldırılmasıdır. Bunlara nümunə kimi, spirtli içkiyə aludəliyin və ya virus hepatitlərinə qarşı müalicəni nümunə gətirmək olar. Qaraciyərin xroniki zədələnməsinə səbəb olan bu kimi faktorların aradan qaldırılması sirrozun dərinləşməsinin qarşısını ala bilir. Məsələn, artıq ciddi ağırlaşmalara gətirib çıxara bilən alkoqol sirrozları zamanı alkoqol faktorunun aradan qaldırılması nəticəsində 5 illik yaşam müddəti 50%-dən çox olur.
Sirroz zamanı meydana çıxan ağırlaşmaların da müalicəsi də diqqət mərkəzində saxlanılır. Qarın boşluğnda yığılan maye (assit) və aşağı ətraflarda yaranan şişkinliyin aradan qaldırılması məqsədi ilə diurezi sürətləndirən dərman maddələri və az duzlu pəhriz tətbiq edilir. Bəzi hallarda assitik maye kiçik cərrahi müdaxilə nəticəsində xaric edilə bilər.
Portal hipertenziyalı xəstələr daha çox diqqət mərkəzində saxlanılır. Çünki hər bir zaman həyat üçün təhlükəli olan qida borusu qanaxmalari mümkündür. Bu zaman endoskopik yolla qanaxan damarın bağlanması və qanaxma əleyhinə terapevtik tədbirlərin görülməsi problemi aradan qaldıra bilir.
