Qida borusu xəstəlikləri

Qida borusu xəstəlikləri

Qida borusu (QB) udlaq ilə mədəni birləşdirən boruşəkilli əzələli orqandır. Qida borusu insanın həzm sisteminin bir hissəsidir. Qida borusu xəstəlikləri zamanı ən əsas və diqqət yetirilməli əlamətləri üç hissəyə ayırmaq olar. Bunlar aşağıdakılardır:

• 1) Udqunmanın pozulması
• 2) Qıcqırma
• 3) Udqunma zamanı ağrı və s.

Qida borusu (QB) anatomik 3 hissəyə ayrılır:

• 1) Boyun (servikal) hissəsi
• 2) Döş (torakal) hissəsi
• 3) Qarın (abdominal) hissəsi

Klinik siptomlar (əlamətlər)

▪ Disfagiya - Udma çətinliyidir, ən spesifik simptomdur, funksional və üzvi səbəblərdən meydana çıxır.▪ Odinofagiya - Ağrılı udmadır. Bədxassəli xəstəliklər, perforasiya, divertikulit və yanıqların əlamətidir.▪ Qıcqırma - Döş sümüyü arxasında yanğı hissidir. Reflüksün spesifik təzahürüdür.▪ Requrgitasiya - Möhtəviyyatın geri qayıtmasıdır. Qusmadan fərqli olaraq requrgitasiya zamanı qarın və diafraqma əzələləri yığılmır, öyümə olmur. Requrgitasiya öz-özünə baş verir. Reflüks xəstəliyində, divertikullarda və darlıqlarda olur.▪ Qanqusma - QB varikozunda, zədələnmələrində, divertikullarında olur.▪ Atipik əlamətlər - Öskürək - reflüksdə və ezofaqo-bronxial fistullarda rast gəlir.Döş ağrıları - reflüks, axalaziya və darlıqların əlamətlərindəndir.Səsin dəyişməsi – reflüks və invaziv törəmələrdə olur.