Qida borusu müayinəsi

Qida borusu müayinəsi

Müayinə qida borusunda üzvi dəyişikliklərin olma(ma)sını araşdırmaqdan ibarətdir. Bu məqsədlə klinik və endoskopik müayinələr aparılır. Rentgenoloji müayinə endoskopiya mümkün olmayan hallarda seçilir.

Müayinələrin bir neçə nəticəsi ola bilər:

• 1. QB-nun təcili xəstəliyi müəyyən edilir (məsələn qanaxma, perforasiya və s.);
• 2. QB-nun üzvi xəstəliyi müəyyən edilir, onun diaqnozu və ağırlıq dərəcəsi dəqiqləşdirilir (məsələn, QERX, Mallori-Veys sindromu, varikoz xəstəliyi, divertikul və s.);
• 3. QB-nun üzvü xəstəliyi müəyyən edilir, lakin onun təbiəti və ağırlıq dərəcəsi (mərhələsi) dəqiqləşdirilə bilmir (məsələn, törəmələr, daralmalar) . Bu halda II pillə müayinlərin aparılmasına əsas yaranır;
• 4. QB-da üzvi dəyişikliklər müəyyən edilmir. Bu halda klinik əlamətlərə görə qərar qəbul edilir. Əgər həmin əlamətlər QB-nun bu və ya digər xəstəliyinə yüksək şübhə yaradırsa növbəti pillə müayinələr aparılır.

Bu mərhələnin məqsədi əvvəlki mərhələdə müəyyən edilmiş üzvi dəyişik¬liklərin təbiətini, ağırlıq dərəcəsini müəyyənləşdirmək və ya funksional xəstəliklərin diaqnostikasıdır. Bu məqsədlə aşağıdakı müayinələr aparılır:

• • KT
• • Endoskopik USM
• • Mikrobioloji müayinə
• • Biopsiya
• • Funksional müayinələr