Nazik bağırsaq müayinəsi

Nazik bağırsaq müayinəsi

Qarın boşluğunun bəsit rentgenoqrafiyası nadir hallarda faydalı olur. Lakin, obstruksiyası olan xəstələrdə qarın boşluğunun rentgenoqrafiyası faydalı ola bilər. Mədə-bağırsaq sisteminə dair şikayətləri olan və ya mədə-bağırsaq qanaxmasına görə müayinədən keçən xəstələrdə yuxarı və aşağı mədə-bağırsaq sisteminin endoskopik müayinələrinin nəticələri neqativ olduqda, nazik bağırsağın törəməsi nəzərdən keçirilir. Həmin xəstələrdə növbəti diaqnostik müayinə metodu KT görüntüləməsi olmalıdır. Böyük ölçülü kütlələrin diaqnostikası ilə yanaşı KT görüntüləməsi həm də nazik bağırsaq törəməsinə dəlalət edən digər əlamətlərin müəyyən edilməsinə yardım edə bilər. KT görüntüləməsində nazik bağırsaq divarının qalınlığı 1.5 sm-dən çoxdursa və ya böyümüş mezenterik limfa düyünləri və ya 1.5 sm-dək böyük kütlə müəyyən edilirsə, həmin xəstələrdə nazik bağırsağın törəməsi nəzərdən keçirilməlidir. KT görüntüləməsi həm də genişlənmiş proksimal bağırsaq seqmentini dekompressiya olunmuş distal bağırsaqdan ayıran keçid zonasını müəyyən etməyə imkan verir. Kron xəstəliyi olanlar istisna olmaqla, görüntüləmədə bağırsaq divarının qalınlaşması müəyyən edildikdə, nazik bağırsağın törəməsi nəzərdən keçirilməlidir.

Nazik bağırsağın distal seqmentinin törəmələrinin KT görüntüləməsində bəzən ileokolik və ya yeyunoileal invaginasiya müşahidə edilir. Böyüklərdə bağırsaq invaginasiyasının diaqnostikası cərrahi müdaxilənin aparılmasını tələb edir.

Abdominal KT görüntüləməsi ilə nazik bağırsaq törəməsinin görüntüləməsi nəticə vermədikdə, həmin xəstələrdə növbəti diaqnostik metodlardan istifadə edilməlidir:

• • endoskopiyada intervension metodlardan
• • endoskopik US müayinəsi
• • video-kapsul endoskopiyası
• • iki balonlu enteroskopiya